Que é Desde a raia

Desde a raia é un medio de comunicación local con interese nos concellos de Tui e Tomiño, pero que se estende tamén ao resto do Baixo Miño, da Louriña e do Alto Minho sempre que as necesidades informativas o requiran.

Os seus principios baséanse nun xornalismo de calidade, entendido como información ampla, con interpretación e contexto. Así, ampara a filosofía do xornalismo lento.

Non pretende ser un medio de consumo diario, senón que, coa simple intención de ofrecer información que desperte a curiosidade do lector, publicará coa periodicidade necesaria para elaborar pezas rigorosas e ben documentadas. Un contido feito desde este lado da raia mollada, con xente de aquí e para a xente de aquí.

Esperamos que este espazo informativo sexa do agrado de quen o lea e axude a reforzar o vínculo entre as dúas beiras do Miño.